April 18, 2022

【IELTS SPEAKING】Speaking溫書秘訣、網上資源 + Sample questions 最近移民潮湧現，而考好IELTS又係移民嘅必要條件之一。所以愈來愈多人報考IELTS雅思考試，但係喺香港，基本上唔會喺日常生活中會完全用full English黎同其他人講野交流。而聽說讀寫四份考試中「說」，姐係Speaking的部份最需要嘅就係英文會話嘅能力同流暢度，難倒好多嘅考生。但係完全唔需要擔心，今日Spencer Sir就同各位講解下IELTS Speaking嘅考試規則、重點同心得，再分享一D常用嘅vocab、練習同資源比大家。希望大家可以喺考試中得心應手。 IELTS Speaking 考什麼？ 雅思(IELTS)姐係雅思國際英語測試，又名國際英語測試系統。係國際性嘅英文標準化水準測試之一。國際上出名嘅教育機構同國家都會接受IELTS成績。而成績有效期係兩年。 而IELTS分四份卷，reading, writing, listening, 同speaking。Speaking嘅目的係考核考生嘅英語交流同會話能力。Ielts speaking一共分為三part​。共考11-14分鐘，考試流程如下: Part 1 (4至5分鐘) – 會談 考官會問考生嘅有關家庭、興趣、飲食習慣等有關日常生活嘅問題 Part 2 (3至4分鐘) – 演說 考官會比一張寫有指定主題嘅卡你，考生需要用1分鐘嘅時間準備，然後進行1至2分鐘的演說。演說完畢，考官會再問一兩條簡單嘅問題。 Part 3 (4至5分鐘) – 討論 考官根據Part 2嘅主題發問，考生盡量詳細地解說自己嘅看法，適當咁 加埋例子黎豐富內容就更好。 睇完係咪覺得一D都唔複雜呢? 之後就到speaking前嘅準備功夫喇。 IELTS Speaking TIPS 同朋友用英文溝通 朋友之間如果可以用英文溝通，就盡量用英文。一來講錯了也不會太尷尬，可以一笑置之，反而可以為學講英文增添樂趣！二來透過互助指點而有更大的進步！同朋友傾計嗰陣，互相幫手改善口音同文法，呢D都係自己一個唔容易發現嘅問題。   自拍 除左同朋友講英外，自拍，再作調整都係一個唔錯嘅選擇。拍片自己睇返，除左可以聽下自己嘅口音同文法有冇錯之外。仲可以睇到自己唔自然嘅小動作。加上可以從第三者嘅觀感睇下自己有咩需要改善，對全面改善自己會話有唔錯嘅幫助。 練習past paper 「惟手熟爾」，練習往往係成功嘅必經之路。IELTS嘅考試模式基本上唔會變太多，所以攞past paper黎幻想自己喺到考試，係大有幫助，如果考官問一D好類似的題目，你嘅自信心會大增！亦都可以令自己熟習考試，減少緊張同比人問到口啞啞嘅機會。下面會再分享past paper同其他範例題目。   用英文思考 中文同英文嘅文法同思考模式都有唔同，因為我哋嘅母語喺中文，所以喺日常生活中都會用中文黎思考，而英語係外語，所以就會先用中文思考然後再喺腦中翻譯成英文，再講出來，但係咁就好容易令英語嘅流暢度大減！又或者用錯文法。用多D英文思考，唔識用英文表達嘅就查字典同記底佢。久而久之，英文speaking就會愈來愈流暢   學習詞彙 考生s一開始都有一個弊病，就係詞窮。成日講黎講去都係用一樣嘅詞語，簡單黎講就係字彙太少。試下喺唔同嘅英文報章搵下D日常會用到嘅生字、同義詞，唔識嘅字典會係你嘅好朋友，但記得學到新嘅詞彙嗰陣要將佢套用喺句子當中。令你嘅內容聽起黎更生動有趣。   看英文電影 相信大部份人都鍾意睇電影，尤其係外國電影。練習英文嗰陣不妨試下模仿你喜愛角色嘅說話風格。一來看美/英劇令你更有動力去練好英文，二來看美/英劇可以令你了解外國人講英文的習慣，包括常用語及語速，令你更嘅用語更接近外國人。同埋，記得盡量唔好開字幕。   聽 & 唱英文歌 唔係喎，我又要返工又要返學，邊有咁多時間睇戲喎。咁你可以試下上網search下十大英文金曲。又或者你本身有D自己好鍾意聽嘅歌。不妨係咁聽係咁唱，聽多幾次更加理解歌詞，唱多幾次，英文嘅發音都會變得更好。   調整心態: 傾計，而唔係考試 不過其實考試除左知識，心態都好重要。喺香港，講起考試，個個都會驚會緊張，考得唔好會點點點。但係其實唔洗緊張，一來IELTS唔係一試定生死，你係可以讀完又讀。二來，考官問嘅問題都係生活中會接觸到的話題，如果朋友問你你鍾意D咩，你會唔會緊張？試下當佢係你認識嘅朋友，然後普普通通咁傾計只係變左英文姐。自然嘅對話顯得你有自信，考官對你嘅印象亦會變好。IELTS嘅重點係為嗰D打算喺以英語作為交流語言嘅國家同地區留學或者就業嘅人設置嘅英語言水準考試。所以內容會更加貼近生活，重點係傾計，而唔係考試 如果大家有什麼英文問題，如Spencer Lam, 好唔好咁樣學英文呀? 或者IELTS考試，成人英文/商業英文的知識及英文資源，歡迎你可以隨時再跟我多交流一下，可以Follow 「Spencer Lam English Team」 Facebook page同IG得到更多英文資訊，亦都可以上 https://spencerlam.hk/ 了解更多!

呢篇文章會告訴你 IELTS Reading Score 點樣得黎 下面會以table形式清楚解釋 IELTS 閱讀分數如答對題目的對應關係！ 以及告訴你一個20%應考IELTS的考生都會忽略的細節！ IELTS Reading Score IELTS Academic 與 IELTS General 的閱讀分數有什麼分別？ 眾所周知，IELTS 主要有份兩分卷。 分別就是IELTS Academic 與 IELTS Genereal 不過，有不少人忽略了兩份卷Reading 閱讀卷的Band Score，與答對題目的數量關係是不一樣的！ 以下就是兩分閱讀卷的答對題目與Band Score對應表： IELTS 閱讀分數 對應表 (IELTS Academic) 答對題目 Band Score 39 – 40 9 37 – 38 8.5 35 – 36 8 33 – 34 7.5 30 – 32 7 27 – 29 6.5 23 – 26 6 19 – 22 5.5 15 – 18 5 13 – 14 4.5 10 – 12 4 IELTS 閱讀分數 對應表 (IELTS General) 答對題目 Band Score 40 9 39 8.5 37 – 38 8 36 7.5 34 – 35 7 32 – 33 6.5 30 – 31 6 27 – 29 5.5 23 – 26 5 19 – 22 4.5 15 – 18 4 由此可見，IELTS General 的 reading Band Score 系統是較嚴苛的！ 答對40題與答對39題已經是半個band的差別！ 如果大家有什麼英文問題，如Spencer Lam, 好唔好咁樣學英文呀? 或者IELTS考試，成人英文/商業英文的知識及英文資源，歡迎你可以隨時再跟我多交流一下，可以Follow 「Spencer Lam English Team」 Facebook page同IG得到更多英文資訊，亦都可以上 https://spencerlam.hk/ 了解更多!