【 呈分試 5大技巧 】
呈分試 都有tips？！相信各位小五小六嘅同學同家長都好著緊呈分試嘅表現，入唔入到心儀嘅中學，呈分試佔好重比例。
正所謂「一分足以分高下」，Spencer Sir有5大tips送比大家！
① 訂立「SMART」目標
根據小朋友嘅學習情況，運用SMART原則來度身訂做一個目標比自己，大目標可以分做幾個小目標。如果小朋友達成目標，家長可以適當地比啲獎勵，咁小朋友就更有動力繼續學習。
② 製作溫習時間表
小朋友同家長可以先列出要溫習嘅範圍，再根據範圍嘅多寡同埋剩餘嘅溫習時間做好分配，例如平均一個禮拜要做幾多練習？一日至少要溫幾耐？製作時間表嘅時候唔好比太大壓力小朋友或者天馬行空，要按照小朋友嘅能力同狀態作調整。
③ 培養謹慎細心習慣
好多時候小朋友就算識做題目，都因為啲粗心大意而扣晒分，真係好唔甘心架！所以，要把握時間完成試卷之外，都要確保自己冇錯啲minor野，例如大小楷，詞性等等。
④ 溫故而知新，可以為師矣
顧名思義，就係要操練歷屆啲試卷，或者學校平日啲小測，熟習題型同埋考試模式。學校試卷嘅題型通常唔會有太大嘅變化，大家可以用作參考。為左有更理想嘅效果，家長可以模擬考試的真實狀況，幫小朋友計時計分。錯嘅地方要知錯咩，咁之後就唔會重蹈覆轍啦！
⑤ 注意試題語句的時間，填寫正確的tense
想知道用咩tense，一定要睇下有冇關鍵字，例如現在式有’now’、’every day’等字眼，過去式就有’yesterday’、’last’ 等字眼。另外好多學生以為過去式就一定係加’ed’，咁就錯啦，記住睇番書本嘅不規則動詞表，不妨背左個表就萬無一失啦！
如果大家有什麼英文問題，如Spencer Lam, 好唔好咁樣學英文呀? 或者IELTS考試，成人英文/商業英文的知識及英文資源，歡迎你可以隨時再跟我多交流一下，可以Follow 「Spencer Lam English Team」 Facebook page同IG得到更多英文資訊，亦都可以上 https://spencerlam.hk/ 了解更多!