【 DSE 英文 】 如何補底學好英文?

Spencer Lam
Spencer Lam
英文補習名師,港大一級榮譽,多年英文補習經驗,歷年來曾教授超過1000名學生,學生遍及各大名校,由初中至成人英語皆可因材施教,獲《TVB》、《Now TV》、《經濟一週》、《晴報》、《親子王》、《經濟日報》等專訪
目錄

講起 DSE 英文 科,好多人去到高中先會發現到,自己嘅英文水平好似唔係幾可以應付到 Reading 卷 或者 Listening 卷嘅 Part B2 ,之後開始後悔自己點解冇努力學好英文,然後想係高中急起直追。但坊間好多唔同嘅補習老師,真係唔知應該點樣可以搵到個岩自己嘅補習老師。怕投資完一個老師結果未如理想,又會怕教得太難,唔岩補底嘅程度,今日Spencer Sir話你知究竟一個真係補底嘅英文老師應該係點架呢?

DSE 英文

DSE 英文 補底篇

需要補底嘅同學,通常都會有以下嘅共通點: grammar唔係太好、生字量少、寫作缺乏變化同欠通順或者冇一啲好靚嘅句子…因此,要選擇邊位補習老師適合自己通常都係取決於你想係邊一方面得到提升,同埋相對地,想選擇嘅老師係邊一方面較為突出。

講左咁多問題,究竟點樣先可以學好英文或者改善自己嘅英文水平呢?以下就有4個方法:

搵到自己嘅不足

大部分香港學生係英文方面要改善嘅地方都係個幾樣: 聽 說 讀 寫、生字、grammar等等。第一步係要搵到令你英文需要改善或者突破嘅位。學習任何嘢都係,要知道自己嘅弱點先可以知道用咩方法去進步。如果剩係「盲中中」搵人交你,人地教啲咩比你,你就學咩,咁樣唔單止會因為缺乏方向同目標去進步,同時一都會剝奪埋你嘅problem-solving skills。所以係做決定之前一定要思考左自己嘅目的或者方向先去行動,開始改善自己嘅不足之前要預先搵出缺點,先可以對症下藥。

善用身邊免費嘅資源

想改善英文但係又唔洗下下都課金嘅,可以試下從下面嘅方法試起,例如每日上網聽下TED 、BBC,多聽聽英文嘅野。亦都可以試下上外國版論壇:Reddit,學習下唔同嘅slang,對你哋嘅英文都有幫助同時可以擴闊下視野,了解外國文化同埋唔同國家嘅時事議題。同時都可以上Instagram follow分享英文資訊嘅page。再者,如果都係覺得唔足夠都可以買本grammar書操下,亦可以上YouTube睇一啲YouTuber教grammar記低筆記。亦可以觀察身邊英文好嘅同學,問一問佢地係點樣學英文有冇啲咩秘訣。再唔係可以問自己嘅英文老師問下,佢改左你嘅英文功課咁多次,信都會清楚你嘅弱點係邊。因此,應該可以俾到不錯嘅建議或者幫助。

針對性改善

當收集到意見同建議,有左一個框架之後,就要採取行動。可以透過制定時間表為每個task設置一個目標,例如要改善grammar,你就可以去grammar書、去圖書館借練習又或者上網搵相關嘅聯繫。設定一個短期目標俾自己,然後每個月月尾做一個檢討,睇下自己嘅達成率有冇達到先前定下嘅目標。做唔到嘅話就重新檢視自己學漏左啲咩,超額完成嘅就需要睇下修改一下自己嘅目標。總括而言,需要透過自己嘅成績不斷自我檢視,練習,改善,只要堅持就會有成果。

最重要嘅一點

無論做咩都好都需要嘅 —- 耐性。學英文同學數學好唔同,唔係話今日操多幾份歷屆試題,熟悉左題型就可以百分百拎分。學英文需要長時間浸淫,更加需要多聽多講,所以過程係相當漫長。由於英文係冇即食罐頭,想進步就要係唔同方面進行提升,所以唔好期望一次過進步晒咁多方面。可以分成唔同嘅範疇,然後逐一進行提升。一分耕耘一分收穫,農夫要收成都要經過一段時間嘅等待。

學英文難唔難真係在於你用嘅方法同對英文嘅興趣,只要搵到潛在嘅問題,針對所搵到嘅問題進行解決,就好快會見到進步。如果你想搵補習老師,就要搵最能夠針對你想要嘅問題嘅課程,起碼課程會是自己嘅弱點所需要嘅。

如果大家有什麼英文問題,如Spencer Lam, 好唔好咁樣學英文呀? 或者IELTS考試,成人英文/商業英文的知識及英文資源,歡迎你可以隨時再跟我多交流一下,可以Follow 「Spencer Lam English Team」 Facebook pageIG得到更多英文資訊,亦都可以上 https://spencerlam.hk/ 了解更多!

Share:
Facebook
LinkedIn
Twitter

Leave a Reply

最新文章
【嬰幼兒遊戲】讓孩子樂在其中,從遊戲中成長:嬰幼兒遊戲全面指南

嬰幼兒遊戲 對於嬰幼兒來說,遊戲是一個非常重要的學習和成長方式。 通過遊戲,嬰幼兒可以發展語言、認知、感知、運動等多方面的能力,並且可以建立起與外界的互動關係。 然而,如何選擇適合嬰幼兒的遊戲和玩具,以及如何引導和支持嬰幼兒進行遊戲,都是一個需要家長們重視和思考的問題。

閱讀全文 »
【嬰幼兒分離焦慮】掌握關鍵,幫助寶寶安心:解讀嬰幼兒分離焦慮

嬰幼兒分離焦慮 當一個嬰幼兒突然發現自己和主要照顧者分離時,他可能會產生焦慮和恐懼。 這種焦慮,被稱為嬰幼兒分離焦慮。這是一種正常的發展現象,幾乎每個嬰幼兒都會經歷。 但如果嬰幼兒分離焦慮嚴重或持續時間過長,可能對嬰幼兒的身心健康造成不良影響。因此,了解和處理嬰幼兒分離焦慮的方法至關重要。

閱讀全文 »
【嬰幼兒學習】成就未來的關鍵!家長必讀的嬰幼兒學習指南

嬰幼兒學習 每個家長都希望自己的孩子能夠在未來取得成功,但是如何為孩子提供最好的學習和發展環境卻是一個令人困惑的問題。 事實上,嬰幼兒期的學習和發展對未來的成就有著重大的影響。 因此,了解如何幫助孩子在這一階段發展和學習,對於每個家長來說都是至關重要的。

閱讀全文 »
【嬰幼兒益生菌】究竟什麼是益生菌?該怎麼為嬰幼兒選擇合適的益生菌

嬰幼兒益生菌 近年來,隨著人們對健康的關注日益增強,益生菌作為一種具有調節腸道菌群平衡、增強免疫力、預防疾病等作用的微生物類產品,受到越來越多人的關注和使用。 尤其對於嬰幼兒來說,益生菌更是扮演著不可或缺的角色。本文將從益生菌的種類、對嬰幼兒的功效、使用注意事項等方面進行探討,旨在為廣大家長提供一些有關嬰幼兒益生菌的實用信息,幫助大家更好地保護嬰幼兒的健康。 益生菌是什麼?

閱讀全文 »
文章分類