August 3, 2021

Spencer Lam

Spencer Lam

英文補習名師，港大一級榮譽，多年英文補習經驗，歷年來曾教授超過1000名學生，學生遍及各大名校，由初中至成人英語皆可因材施教，獲《TVB》、《Now TV》、《經濟一週》、《晴報》、《親子王》、《經濟日報》等專訪
On Top

最新文章

【DSE Timetable】中六時間管理大師攻略

DSE又嚟喇，各位準備考DSE 嘅中六同學，係時候開始編排自己嘅溫書時間表啦。 制定一個Timetable往往可以為自己確立一個個明確嘅小目標，比起漫無目的咁溫書，可以更有效率咁將要溫嘅野斬件，唔洗一次過塞入腦。 唔識點樣整Time Schedule?  就等Spencer Sir  教下同學仔應該點制定自己專屬嘅時間表同埋有咩要點啦！如果嫌太複雜嘅話，Spencer Sir亦都好貼心咁都提供左啲Sample比大家㗎！ DSE 分配溫書時間 前提 制定目標往往都係整溫書Schedule嘅先決條件。如果冇目標嘅話，個Study Plan都唔會同漫無目的咁溫書有太大分別。所以唔該大家要先做下資料搜集，搵下自己嘅學習目標。由每間大學嘅 JUPAS 嘅計分方法，好似 HKU、UST同 CU 攞星會有 Bonus 分。細至自己依家邊科predict幾多分。所以各位同學要做 Research，plan定邊科重要，要衝，決定邊科weighting唔重，求穩定，求合格。 前提講完喇，依家就要將要考嘅科目根據自己嘅需要分類一下（亦可以係細卷，例如: paper 1, Math MC…）。 最重要：唔熟、對 JUPAS 計分有重大影響，要衝、最需要升 Grade嘅科目 重要：相對比較熟、成績較穩定、對 JUPAS 計分有比較重大影響 正常：對 JUPAS 計分影響唔大、努力都唔會升到兩、三個grade嘅科目 無特別( For讀6至8科嘅同學)：基本上唔會對 JUPAS 計分造成任何影響、最多只係影響成績表嘅觀感 中六DSE考生timetable Spencer Sir就設計左兩款溫習時間表，比大家喺要適應由返學變Study Leave嘅時候參考下。 喺呢到解釋下個Timetable啦 dse溫習timetable（中六返學日） 返”屋企”時間（3:30pm – 4:30pm） 終於放學喇，喺返屋企、去圖書館、去Cafe嘅路上，買下野食、同朋友吹下水、打機輕鬆下。盡量喺呢一個鐘頭休息一下。 補習、自修時間（4:30pm – 7:00pm） 盡量將補習都安排喺呢個時間。除非有補課、測驗考試 襯呢個時間做曬所有功課。唔好比功課分散自己嘅專注力，同埋做功課都係溫書嘅一種嚟㗎，所以功課放喺自修時間係絕對冇問題嘅！ 食飯時間（7:00pm – 8:00pm） 食飯、休息、放鬆、鍾意做咩就做咩 繼續溫書/做運動（8:30pm – 10:15pm） 溫習默書、測驗、考試嘅範圍 溫「最重要」或者「重要」嘅科目。(特別係比較耐無溫過嘅科目) 如果溫哂timetable嘅目標就可以做下運動，行下跑下都得。 沖涼 / 瞓覺時間 (10:15pm – 11:30pm) 鍾意做咩就做咩啦！ 瞓覺，確保自己有充足睡眠 星期一 星期二 星期三 星期四 星期五 星期六 星期日 7:30am 起身+食早餐+去溫書地點                   自由時間（自己安排活動，但要抽時間溫書） 8:30am-1:30pm 做卷：「最重要」 做卷：「重要」 做卷：「正常」 做卷：「重要」 做卷：「最重要」 做卷：「正常」/ 「無特別」 1:30pm-2:30pm Lunch Time休息 2:30pm-5:00pm 對卷+檢討錯誤+溫習檢討嘅內容範圍 5:00pm-5:15pm 休息 5:15pm-7:00pm 溫習「最重要」/「重要」科目 溫習「最重要」科目 溫習「正常」/「無特別」科目 溫習「最重要」科目 7:00pm-7:45pm Dinner休息 7:45pm-10:00pm 溫習「重要」科目 溫習「正常」科目 溫習「重要」科目   溫習「最重要」科目   溫習「正常」/「無特別」科目   溫習 自選科目 10:00pm-11:00pm (隔日) 繼續溫習/做運動+沖涼 11:00pm 瞓覺 Study Leave 溫習timetable 我明明study leave緊，點解仲要7:30am 起身同11:00pm 就瞓 ? 其實係想大家keep住考DSE嘅生理時鐘。因為到時考 DSE 嘅時候，大家通常都喺呢個時間左右起身出發去試場。如果要瞓返夠 8 個鐘 就差唔多係呢個時間瞓。 星期日係「自由時間」，但唔代表唔使溫書。不過會比平Free好多，只要確保自己有一定嘅溫書時間啦 (e.g.大概4-6 個鐘)。就可以做你想做嘅野…一日。 Timetable 係好彈性嘅，如果覺得太辛苦記得要適時審視一下你個Timetable，如果唔係好容易會令到自己太大壓力，最尾令到自己退步又或者消磨自己嘅意志 但係各位唔好過分依賴咩都幫你安排好嘅哂嘅Timetable喎。因為每個人嘅能力唔同，將來想入讀嘅大學、學系，學科唔同，所以大家嘅Timetable係唔應該一樣嫁。既然Timetable唔一樣，咁分配溫書時間方法亦應該唔同。大家應該按實際情況改動要溫嘅科目。 溫習小貼士 溫書策略 休息/ 自由時間喺Timetable裏面可以話係功不可沒。作為過來人，小編絕對明白考 DSE 有幾大壓力。所以設計 Schedule 嘅時候，記得記得要比自己休息嘅時間，呼吸下自由嘅空氣，等喺chur盡自己嘅timing會有時間放鬆心情，避免壓力過大。做成冇得挽回嘅後果。 希望各位同學記得溫書係“重質不重量”。 溫習嘅重點在於學到啲咩同吸收左幾多，而唔係溫左幾耐同幾多。假如各位覺得實在太chur，頂唔順，千祈唔好夾硬嚟！喺實行Timetable頭嗰個禮拜，可以跟據自己嘅狀態同能力去adjust Timetable，令Timetable變得更適合自己同有效。 都係嗰句，Timetable係好flexible嫁，如果覺得太辛苦太chur記得就要適改一改你個Timetable，唔好為左完全跟足個 Study Timetable 而感到有壓力。DSE己經夠大壓力，唔好再比自己更多嘅壓力，最尾令到自己退步又或者消磨自己嘅意志。 得閒都要做下運動 大家記得要 keep 住做運動，最好就每日累積30分鐘嘅中等強度體能活動 (可分段進行，但每次不少於10分鐘) 唔好比自己有任何嘅機會病，保持身心健康，順便釋放下壓力嘛。加上考 DSE 就好似一場長跑，做運動對DSE絕對係百利而無一害。 最後祝各位 DSE 考生考到自己想讀嘅學位啦！溫書、考試加油！

閱讀全文
Spencer Lam

【 IELTS 】報考IELTS的好處?

現時報考IELTS嘅人愈來愈多，有唔少嘅同學就會問：「到底IELTS同DSE報考邊個比較好？」針對DSE英文科同IELTS兩個唔同嘅考試，Spencer Sir就為大家解釋下IELTS同DSE嘅分別，IELTS到底可唔可以代替DSE呢? 然後為大家解答IELTS 同DSE邊個比較好。 IELTS介紹 雅思(IELTS)姐係雅思國際英語測試(The International English Language Testing System)，又名國際英語測試系統。係國際性嘅英文標準化水準測試之一。專門為嗰D打算喺以英語作為交流語言嘅國家同地區留學或就業嘅人們設置嘅英語言水準考試。國際上超過10,000多個出名嘅教育機構、組織同國家都會接受IELTS成績，而成績有效期係兩年。IELTS分四份卷讀、寫、聽、說，希望測試考生嘅全方位溝通能力。 但係喺香港，DSE作為全港性嘅考試，同IELTS又會唔會有衝突呢? Jupas作為DSE考生嘅聯招平台，又會唔會唔認受IELTS嫁？ 再喺求職方面，除左DSE，IELTS嘅分數喺好多嘅香港公司亦會成為求職時候嘅英文水平嘅參考。咁到底IELTS分數又會係點樣轉換成DSE英文成績呢？ IELTS考試內容 IELTS 有分兩種唔同嘅考試形式，一般和移民組（General Training）同 學術類（Academic） General Training Academic 用途 – 英語國家移民申請（如澳洲，加拿大，紐西蘭及英國） – 申請培訓及非文憑類課程 – 出國留學申請學士、研究生及以上學位 – 獲取專業資格。 考試形式: 聽 > 讀 > 寫 在同一天內完成，期間沒有間歇 口試可以在上述考試的前七天或後七天進行 閱讀： 60分鐘，總共40題 – 全卷分3節：第1節包含2至 3 篇簡短的敘事文；第2節包含 2 篇有關工作的短文；第3節包含1篇較長篇幅的非技術/專業文章。 – 文章取材自公司手冊、官方文件、書籍、報章或其他資料。 – 含公告、廣告、簡介等形式 60分鐘，總共40題 – 三篇文章，題材，文體不限，每篇約800~1000字 – 文章大多取材於學術刊物 寫作： 60分鐘 共2題 Task 1: 20分鐘 不少於150字 情境題，文體通常為書信如：邀請函，投訴信，道歉信等 Task 2: 40分鐘 不少於250字 申論題 題目範圍廣且有深度，需要分析及表達個人意見或做優缺點比較等。 60分鐘 共2題 Task 1: 20分鐘 150字 總結題，描述及比較各類圖表為主，如: 表格、圖表、曲線圖等 Task 2: 40分鐘 不少於250字 申論題 題目範圍廣且有深度，需要分析及表達個人意見或做優缺點比較等。 聽力： 30分鐘(錄音)+10分鐘(抄寫答題卡) 全卷有4個部份 1: 日常生活（通常為二人） 2: 生活相關獨白 3: 學術性的對話 (最多四人) 4: 學術論文演講 (重口音或道地詞語) 口語： 11-14分鐘 共3部份 Part 1 (4至5分鐘) – 會談 自我介紹，有關家庭、興趣、飲食習慣等有關日常生活嘅問題 Part 2 (3至4分鐘) – 演說 考官提供主題卡，考生需要用1分鐘嘅時間準備，然後進行1至2分鐘的演說。演說完畢，考官會再問一兩條簡單嘅問題。 Part 3 (4至5分鐘) – 討論 考官根據Part 2嘅主題發問，考生盡量詳細地解說自己嘅看法。 報考IELTS、考試費用及日期： 考試費由1,515元起，學術戓通用模式考試費為HK$2,200、英國簽證及移民 (學術戓通用模式)HK$2,340。 可以喺官方嘅IELTS考試中心包括香港英國文化協會網上報名或IDP教育網上報名。 現時IELTS更可以選擇以電腦模式應考，即刻了解最新香港報名考IELTS的詳情啦。 考試小Tips 考生只可以攜帶身份證或其他身份證明文件以及一瓶以透明水樽承載嘅飲用水。其餘物品都要放置喺試場外嘅寄存區，唔可以帶入試場。 同埋除左Speaking以外，IELTS考試係會喺一日之內完成三份考試，一般都係唔會有休息時間。所以記得要有足夠嘅睡眠去應付咁要求集中精神嘅考試。如果唔係好容易因為長時間用腦而唔夠集中或者影響臨場發揮。 成績公佈： 到你終於考完試喇，正式的考試成績單副本會喺考試後13天內透過郵寄方式發送。你亦可以喺考完嘅13日後（電腦考為應考後7天）登入「考生專區」，預覽IELTS考試成績。 IELTS DSE分數參照表 文憑試英國語文科等級 對應IELTS整體分數 5** 7.51 – 7.77 5* 7.16 – 7.32 5 6.81 – 6.99 4 6.31 – 6.51 3 5.48 – 5.68 2 4.79 – 5.07 呢個表係根據考評局於2012年嘅基準研究，將當時2012年文憑試英國語文科嘅成績同國際英語水平測試(IELTS)嘅水平互相比較嘅結果。 IELTS於Jupas的認受性 Jupas當中，因為HKDSE中所得到嘅分數會直接計算為Jupas分數。所以HKDSE係報讀9所「大學聯招辦法」參與院校及SSSDP「資助計劃」院校的首選。至於IELTS喺Jupas當中一般係屬於「其他參考」，只供Jupas院校參考之用。至於IELTS成績會唔會同點樣喺入學申請中被考慮，將全由院校決定。 雖然IELTS喺Jupas到只係參考，但係IELTS對於Non-Jupas嘅學生就好重要喇。因為IELTS可被視為「入學條件」中英語要求嘅其中一個選擇（普遍要求IELTS 6.0或以上成績）。IELTS成績亦可能會成為能否被錄取為副學位課程升讀八大學士學位課程嘅「關鍵」。 DSE英文與IELTS的考試分別 喺reading同listening方面，無論係DSE定IELTS都可以靠操卷拎高分。而市面上亦都有好多唔同嘅sources可以買到。 至於writing，除左考考生嘅頭腦夠唔夠清晰，可以搵到重要嘅數據、排除不必要嘅數據，同時又要架構答題外。難就難在時間緊迫，IELTS writing嘅task 1同DSE listening嘅data file差唔多。但係唔同在於IELTS writing得20分鐘，要做哂分析數據，建構答題。時間上係有D吃力。人一急就好易出錯。所以可以自己去鑽研一下IELTS嘅writing題目，比自己有更多思路去分析，做得更快。 Speaking嘅話可以參考一下【IELTS HK】Speaking分數秘訣、網上資源，入面會有齊大家所需要知道對IELTS speaking嘅重點同tips，入面仲會有D常用phrases比大家練習。 IELTS 計分方法 IELTS總分計法同DSE英文唔同，IELTS基本上分數係平均嘅，只係最後相加除4，就會係你嘅IELTS分數。唔似DSE份份卷嘅weighting都唔同。所以IELTS嘅所有卷都可以幫你拉返高個數，唔會有因為某份卷weighting太高拉低成個分嘅情況。 Example: 聆聽成績7，閱讀5，寫作5.5，口說7.0，總成績將是6.5。(25 ÷ 4 = 6.25 = 6.5) 聆聽成績0，閱讀5.5，寫作3.0，口說3.0，總成績將是4.0。(15.5 ÷ 4 = 3.875 = 4.0) 因為冇左weighting 呢個機制，大家可以用自己擅長嘅卷去拉分。同時亦都保障左大家唔會因為listening喺DSE嘅weighting太高加上 listening唔好而令到成績唔好。雖然冇左weighting，但係都要保持比較差嘅卷唔可以太差而影響到出黎嘅平均分。 總結 IELTS同DSE嘅考核內容都係讀、寫、聽、說。但係IELTS本身嘅目的就係移民/外國升學/工作等等會運用日常英語嘅用途。自然IELTS更著重嘅係實用性方面，例如:Speaking方面著重大家嘅日常英語運用，當中亦會問到考生嘅工作/學業/居住地區等等。但係DSE基本上係為左汰弱留強，而注重技巧。大家報考哪一個考試只要視乎返大家的目的就可以升大學揀DSE，移民就揀IELTS

閱讀全文
Spencer Lam

【英文課程】3個免費英文水平測試介紹

想去報考IELTS、TOEFL、TOEIC等等國際性嘅英文能力測驗，提昇自己嘅英文水同能力。但係又唔知點樣定立目標同選擇合適自己的英文課程？「知己知彼，百戰百勝」，喺定立目標同選擇英文課程之前，最緊要就係知道自己嘅英文level去到邊，再根據自己依家嘅能力去揀深度適中嘅課程同調整目標。如果唔係所學到嘅野會好難吸收，無助提昇自己嘅英文水平。 想知道自己英文水平去到邊，Spencer Sir今日就同大家分享下3個英文水平測試，比你哋評估下自己現時嘅英文水平大概喺邊到。 CEF / CEFR標準 CEF / CEFR (全名: Common European Framework of Reference for Languages: Learning, Teaching, Assessment)。呢項標準係由歐洲委員會設計為歐洲語言在評量架構和教學指引、考試、教材所提供的基準，希望為不同地區嘅語言考試水平提供一種標準化方式。佢嘅參考標準為聽、說、讀、寫、連續的口頭表達和參與對話五項。而且受到多國政府、企業與學術機構認可。好多國際性英檢，如多益、托福、雅思都已經採用 CEF 分3個級別，細分為6個: A：初學階段 A1：入門 理解並運用非常基礎嘅語句 可以介紹、詢問同回答自己或他人有關個人的訊息 喺緩慢而清晰嘅對談中，可以進行簡單溝通。 A2：初級 能理解貼近自己生活中嘅表達方式，例如購物、地理、就業等。 完成簡單而例行性嘅工作和交流日常訊息 用粗淺的詞語描述自身背景、環境。 用簡單嘅術語描述迫切需要嘅事項 B：獨立階段 B1：中級 理解工作、學習、休閒等熟悉嘅相關話題。 處理旅遊時要對應嘅大部份情況。 能夠描述並簡單解釋經驗、事件、夢境、願望、雄心大志、意見及計畫。 B2：中高級 理解複雜、專業嘅文章具體或抽象嘅主旨。 流暢咁同母語者互動 針對廣泛的主題講出清晰、細節嘅文字 針對議題提出解釋與利弊分析或想法。 C：精通階段 C1：高級 理解長篇有深度嘅文章、或對話 自然而流暢的在社交、學術、專業嘅目的上表達，而沒有明顯嘅詞窮狀況發生 撰寫複雜主題的文章，而且結構良好、詳細同收放自如 C2：精通 理解幾乎所有吸收到的訊息內容。 將不同嘅訊息來源整合，流暢地表達或寫成文稿。 在復雜場景中使用精確、專業嘅詞語表達自己的涵意 英文水平 想知道自己現時嘅英文水平? 下表可以比一個參考你哋: 免費英文水平測試 Exam English Exam English 測試嘅水平範圍由A2 – C2，測試後，可知道你現時嘅英文程度。加上題目會更新，可以做多幾次令結果更加準確。Exam English提供文法測試、詞彙測試同聆聽測試。 文法和詞彙測試：限時10分鐘 聆聽測試：限時20分鐘 優點： 題型會隨時間更新、變化 有文法測試、詞彙測試和聆聽測試 缺點： 如果需要答案，必須提供電郵 每次只有15題問題 網址: 文法和詞彙測試： https://www.examenglish.com/leveltest/grammar_level_test.htm 聆聽測試： https://www.examenglish.com/leveltest/listening_level_test.htm Cambridge Assessment English Cambridge Assessment English 都係一個測試平台，但係比起Exam English，佢只有文法同詞彙測試，冇聆聽測試。加上題目唔會更新，只有第一次嘅成績值得參考。 優點： 無時間限制 在測驗結束後立即可以見到解答 缺點： 只有25個多選問題 題目唔會更新 EFSET EFSET分成兩種：EFSET Express同EFSET Standard。前者為快速版測試，約為15分鐘；後者為標準版測試，約為50分鐘。兩份卷都有聽力部分同閱讀部分，而且都會立即評估你現時嘅英文文法水平。加上題目會隨時間更新，做多幾次令結果更可信。 EFSET Express 一個聽力題組 (6題)、一個閱讀題組 (8題) 答題時間15分鐘、一個題組7分半鐘 檢測程度：EF 初級 (CEFR A1/A2)、EF 中級 (CEFR B1/B2)、EF 高級 (CEFR C1/C2) EFSET Standard 4個聽力題組 (32題)、4個閱讀題組 (30題) 答題時間50分鐘、一個題組25分鐘 檢測程度：EF 初級 (CEFR A1/A2)、EF 中級 (CEFR B1/B2)、EF 高級 (CEFR C1/C2) 優點： 題型會隨網頁更新 有聆聽測試 根據北卡羅萊納大學研究發現EFSET嘅測試結果信度係數 (reliability coefficient) 高 缺點： 每次只有15題問題 需要提供電郵才能見到答案 EFSET Express https://www.efset.org/quick-english-check/ EFSET Standard https://www.efset.org/english-certificate/ 總結 時間同金錢都係十分可貴嘅，畢竟都打算要用錢報讀課程，想學好英文，咁當然要用得其所。所以最好嘅方法都係先了解自己嘅目標同能力水平，然後再去作進一步打算。而以上嘅免費測試絕對可以幫大家做一個相對準確嘅評估。只要喺報讀課程前用少少時間認真做哂佢，就可以減少因為課程深度唔適合自己而令到自己吸收唔到野又或者達唔到原本目的嘅情況發生，減少浪費時間同金錢嘅機會。

閱讀全文
Spencer Lam

【 DSE English 】 不同的「因為」的用法

喺 DSE English 入面，「因為」係最常用嘅連接詞。咁Due to 同 because of 明明都係「由於，因為」，而且兩個都係介係詞，點解成日喺 past paper 到都比人話我用錯文法呢? 事實上，佢哋係唔可以互換嘅，又點解呢? 咩他們用法係有唔同嘅咩?點樣先唔會喺 DSE English paper 2 到用錯？究竟差喺邊到呢? 等Spencer Sir立即幫你解惑! Conjunction & Preposition 「連接詞」(conjunction)，例如: because, so, as, although…等等。後面如無意外都係會跟一句完整句子，姐係同一般句子一樣必須包含有主詞、動詞(S+V)。 而「介係詞」(preposition) ，例如: for, by, of, to…等等 後面都係會跟名詞或動名詞。 because (conj.) / because of (prep.) 作文百分之90嘅「因為」就係because喇，而關於because以下幾點要注意: because 作為「連接詞」，後面要加一個完整句子，而常見嘅同義字有since, as，佢哋都係連接詞，所以用法同because基本上一樣，都係要有(S+V)。 because 加左 of 之後就變左「介係詞」，所以係要加上名詞或是動名詞。 例子(because): I was late because I didn’t hear my alarm clock 我遲到了，因為我聽不到我的鬧鐘 例子(because of): Spencer can’t go to work because of sickness (名詞) 因為生病，Spencer不能上班。 due to (prep.) due to 係個「介係詞」，因此必須要加名詞或動名詞 錯誤例子: I running so slow was due to my legs were injured 正確例子: I running so slow was due to the injury.        我跑得很慢的原因是受傷 because of 和 due to 到底有咩唔同？ 上面解釋左conjunction同preposition 嘅分別喇。但係都仲未解到because of 同 due to 有咩分解喎。雖然佢哋都係preposition又有同樣意思，但係其實用法上係有唔少出入。 以下嘅例子，可以好明顯睇到due to 同because of 嘅分別喇 Spencer cannot go to work because of sickness (O) Spencer cannot go to work due to sickness (X) Spencer not going to work was due to sickness (O) Spencer not going to work was because of sickness (X) 「主句嘅動詞」 喺使用because of 嘅場合，句子嘅主動詞會係一般常見嘅普通動詞，而唔係be動詞。所以喺語意上黎講，because of 係用黎修飾動詞。仲可以用on account of 同 in view of 互換。 Spencer cannot go to work because of sickness (O) = Spencer cannot go to work on account of/in view of sickness Because of 嘅意思就用黎修飾前面嘅動詞 go to work，解釋Spencer唔返工嘅原因。 喺使用due to 嘅場合，句子嘅主動詞只會係be動詞(is, am, are, was, were)，而唔係一般常見嘅普通動詞。所以喺語意上黎講，due to 就係用黎說明、形容「名詞」。仲可以用caused by 同 resulting from 互換。 Spencer not going to work was due to sickness (O) = Spencer not going to work was caused by / resulting from sickness Due to 嘅意思就用黎修飾前面嘅名詞 not going to work，都係解釋Spencer唔返工嘅原因。 Practices: The crisis was ˍˍˍˍˍˍˍˍˍˍˍˍ  the spread of the disease. The crisis took place ˍˍˍˍˍˍˍˍˍˍˍˍ the disease. The concert has been cancelled ˍˍˍˍˍˍˍˍˍˍˍˍ lack of interest. ˍˍˍˍˍˍˍˍˍˍˍˍ we’ve got a few minutes to wait for the train, let’s have a cup of coffee. She began to grow nervous, ˍˍˍˍˍˍˍˍˍˍˍˍ he had promised to meet her at dawn. Owing to (be careful) Owing to 用法其實係同because of 一樣嫁 Owing to 用法其實係同because of 一樣嫁 Owing to 用法其實係同because of 一樣嫁 好重要 要講三次 雖然owing to同due to都係攞介詞to做結尾，好似咁。但係owing to 係同because of 一樣用法，而唔係跟be動詞。 而且Owing to大多都放係句子頭 Example: Owing to sickness, Spencer cannot go to work (O) Spencer not going to work was owing to sickness (X) As (conj.) 雖然 as 同 because 字面意思相同，但其實都係有少少分別。 As所強調嘅係結果 Because 所強調嘅係原因 例如: He hated being in the army because he had to obey commands. 強調原因:「要服從命令」 He hated being in the army as he had to obey commands. 強調結果: 「討厭當兵」 Since(conj.) 其實since嘅更正確嘅翻譯應該係「既然」先啱。 Since it is a sunny day, let’s go swimming. 既然今天天氣晴朗，去游泳吧 總結 希望今次嘅grammar post可以幫到大家改善日常會錯嘅小mistake，DSE中全力發揮，可以入讀自己心儀嘅大學，齊齊入A1，為中學生涯畫上圓滿的句號。

閱讀全文
Spencer Lam

【 購物 英文 教學 】 Shopping 時與店員對話

購物 英文 – 雖然最近疫情肆虐，明明是出國 / 回國的旺季，卻不能趁機出國 / 回國渡假。可是就算少了旅遊的機會，大家仍然能在地購物。相信沒有人不喜歡 購物 吧。但是如果購物時因為語言不通，又不想去報讀 英文課程 ，無法與店員流暢溝通，這不是很掃興嗎? 所以Spencer Sir今天就教大家一些在英語國家實用的 購物英文 小句子。 詢問鞋子尺寸？ 在知道自己鞋子的尺寸下詢問店員： Can I get this in a size five, please? 請問這鞋子有五號的尺寸嗎？ Could I try this shoe on in a seven? 我能試穿七號的嗎？ Could I get this in nine and a half? 我能拿九號半的嗎？ 但不知道自己尺寸時，或是因各國尺寸不同，想請店員量尺寸，而詢問店員: I don’t know what my size is. / I don’t know what size I am. 我不知道我的尺寸 Excuse me, can you take my measurement? 不好意思，你能否幫我量一下尺寸嗎？ 詢問衣服尺寸？ 詢問衣物尺寸時: Excuse me, do you have different sizes for this jacket? 麻煩你，這件夾克有別的尺寸嗎？ Do you have it in any other sizes？ 這件有別的尺寸嗎？ What other sizes are available？ 還有哪些尺寸呢？ 試穿時間 想問有沒有大一號或小一號，該怎麼說？ May I have the next size up／down, please？ 麻煩你，可以給我大／小一號的尺寸嗎？ 注意英文的尺寸大中小說法是，large/ medium/ small,不是middle喔！ 而且這些尺寸也可以當作名詞使用，舉例如下： I want to have a large. 我想要一件大號的 Give me a medium, please. 請給我中號的 Have you got it in small？ 有沒有小號的？ Where is the change room? 試衣間在哪裡？ Do you have a fitting room? 你們有試衣間嗎？ 試穿完畢，發覺衣服尺寸不合 Sorry, it doesn’t fit. 不好意思，這尺寸不合 It’s not my size. 這跟我的尺寸不合 跟店員詢問商品？ 一家百貨公司，商品多不勝數，眼花撩亂，想知道某種商品在哪? 又或是如果想找特定的商品，又該怎麼問店員呢? Excuse me, where is your tank top*? 不好意思，您們的背心在哪裡？ *Tank top 指的是較貼身，男士當上衣穿的背心，而Vest 是指套在衣服外面，或男性搭配在襯衫外的背心。 Do you have mini-skirts here? 你們有賣迷你裙嗎？ 總結 希望疫情在結束，現在大家可以運用這些實用英文，在購物的時候能與店員流暢溝通，幫助大家在疫情的陰霾下，享受和盡情在地購物。

閱讀全文
Spencer Lam

【IELTS Speaking 】 IELTS speaking技巧

報考IELTS同攞好分數又係移民嘅必要條件之一。最近移民潮湧現，報名IELTS課程嘅人愈來愈多。但係喺香港，基本上唔會喺日常生活中會完全用full English黎同其他人講野交流。而聽說讀寫四份考試中「說」，姐係Speaking的部份最需要嘅就係英文會話嘅能力同流暢度，難倒好多嘅考生。但係完全唔需要擔心，今日Spencer Sir就同各位講解下 IELTS Speaking 技巧，考試規則、重點同心得，再分享一D常用嘅vocab同ielts speaking test 嘅資源比大家。希望大家可以喺考試中得心應手。 IELTS 是甚麼? 雅思(IELTS)姐係雅思國際英語測試，又名國際英語測試系統。係國際性嘅英文標準化水準測試之一。國際上出名嘅教育機構同國家都會接受IELTS成績。而成績有效期係兩年。 而IELTS分四份卷，reading, writing, listening, 同speaking。Speaking嘅目的係考核考生嘅英語交流同會話能力。 Ielts speaking一共分為三part​。共考11-14分鐘，考試流程如下: Part 1 (4至5分鐘) – 會談 考官會問考生嘅有關家庭、興趣、飲食習慣等有關日常生活嘅問題 Part 2 (3至4分鐘) – 演說 考官會比一張寫有指定主題嘅卡你，考生需要用1分鐘嘅時間準備，然後進行1至2分鐘的演說。演說完畢，考官會再問一兩條簡單嘅問題。 Part 3 (4至5分鐘) – 討論 考官根據Part 2嘅主題發問，考生盡量詳細地解說自己嘅看法，適當咁加埋例子黎豐富內容就更好。 睇完係咪覺得一D都唔複雜呢? 之後就到speaking前嘅準備功夫喇。 IELTS Speaking評分標準 知己知彼，百戰百勝，首先要知道speaking嘅評分標準，先可以針對性咁對症下藥，先可以攞高分。 Fluency and coherence 流暢度及連貫性 Vocabulary 字彙 Grammatical range and accuracy 文法的使用及準確度 Pronunciation 發音 但係知道左又可以點準備呢? IELTS Speaking 技巧 tips 1: 同朋友用英文溝通 朋友之間如果可以用英文溝通，就盡量用英文。一來講錯了也不會太尷尬，可以一笑置之，反而可以為學講英文增添樂趣！二來透過互助指點而有更大的進步！同朋友傾計嗰陣，互相幫手改善口音同文法，呢D都係自己一個唔容易發現嘅問題。 tips 2: 自拍 除左同朋友講英外，自拍，再作調整都係一個唔錯嘅選擇。拍片自己睇返，除左可以聽下自己嘅口音同文法有冇錯之外。仲可以睇到自己唔自然嘅小動作。加上可以從第三者嘅觀感睇下自己有咩需要改善，對全面改善自己會話有唔錯嘅幫助。 tips 3: 練習past paper 「惟手熟爾」，練習往往係成功嘅必經之路。IELTS嘅考試模式基本上唔會變太多，所以攞past paper黎幻想自己喺到考試，係大有幫助，如果考官問一D好類似的題目，你嘅自信心會大增！亦都可以令自己熟習考試，減少緊張同比人問到口啞啞嘅機會。下面會再分享past paper同其他範例題目。 tips 4: 用英文思考 中文同英文嘅文法同思考模式都有唔同，因為我哋嘅母語喺中文，所以喺日常生活中都會用中文黎思考，而英語係外語，所以就會先用中文思考然後再喺腦中翻譯成英文，再講出來，但係咁就好容易令英語嘅流暢度大減！又或者用錯文法。用多D英文思考，唔識用英文表達嘅就查字典同記底佢。久而久之，英文speaking就會愈來愈流暢 tips 5: 學習詞彙 考生s一開始都有一個弊病，就係詞窮。成日講黎講去都係用一樣嘅詞語，簡單黎講就係字彙太少。試下喺唔同嘅英文報章搵下D日常會用到嘅生字、同義詞，唔識嘅字典會係你嘅好朋友，但記得學到新嘅詞彙嗰陣要將佢套用喺句子當中。令你嘅內容聽起黎更生動有趣。 tips 6: 看英文電影 相信大部份人都鍾意睇電影，尤其係外國電影。練習英文嗰陣不妨試下模仿你喜愛角色嘅說話風格。一來看美/英劇令你更有動力去練好英文，二來看美/英劇可以令你了解外國人講英文的習慣，包括常用語及語速，令你更嘅用語更接近外國人。同埋，記得盡量唔好開字幕。 tips 7: 聽 & 唱英文歌 唔係喎，我又要返工又要返學，邊有咁多時間睇戲喎。咁你可以試下上網search下十大英文金曲。又或者你本身有D自己好鍾意聽嘅歌。不妨係咁聽係咁唱，聽多幾次更加理解歌詞，唱多幾次，英文嘅發音都會變得更好。 tips 8: 調整心態: 傾計，而唔係考試 不過其實考試除左知識，心態都好重要。喺香港，講起考試，個個都會驚會緊張，考得唔好會點點點。但係其實唔洗緊張，一來IELTS唔係一試定生死，你係可以讀完又讀。二來，考官問嘅問題都係生活中會接觸到的話題，如果朋友問你你鍾意D咩，你會唔會緊張？試下當佢係你認識嘅朋友，然後普普通通咁傾計只係變左英文姐。自然嘅對話顯得你有自信，考官對你嘅印象亦會變好。IELTS嘅重點係為嗰D打算喺以英語作為交流語言嘅國家同地區留學或者就業嘅人設置嘅英語言水準考試。所以內容會更加貼近生活，重點係傾計，而唔係考試 IELTS Speaking需多加留意 遇到不熟悉的題目不要緊張 IELTS希望考到嘅都係一D同日常生活有關嘅topic。所以題目基本上唔會太過於專業。如果遇到D唔識嘅題目，唔好驚。將佢帶返入生活當中，用返日常生活中搵到嘅例子同答案。 試著說多點 熟能生巧，喺日常生活中講多D英文，用返上面嘅練習小tips盡量改善到可以同考官流暢溝通，而且考試時寫嗰份稿唔會幫到你太多，加上有唔少考生鍾意對稿讀，令到個對話唔似一個會話 注意語速 有D人英文勁，想show off比個考官睇，又或者驚講唔哂D內容，之後不斷加快語速。亦有D人放慢語速，希望比更多時間自己諗野。但係作為一個考官，語速控制得唔好會令考官聽好唔舒服，甚至影響佢 理解你講嘅野，適得其反。雖然唔係人人都做到呢一點，但係講野嗰陣應留意咬字清晰，帶有適當嘅節奏。 切題 簡單回答考官嘅問題，展示你嘅說話能力，試下用盡佢比嘅時間，但唔好超時。千祈唔好一句起兩句止，唔好一句”Yes” or ”No”就完。精準咁解釋點解，然後比出令人感興趣嘅例子，但係又唔好講得太專業，切記說話內容唔好太短亦唔可以冗贅。 Speaking 常用phrases sample 入正題 –          To begin with, –          First of all, 補充/轉折 –          Furthermore, –          Last but not least, –          For instance, –    According to (something), 回憶 –          Back when I was… –          From my experience, –          Used to be 表達 –          From my point of view, –          In my opinion, –          For me, –          As far as I am concerned, 總結 –          As a result, –          To conclude, –          In conclusion, IELTS online test學習資源 呢到仲有更多資源推薦比大家: – Spencer Sir IELTS精讀班 – IELTS Online test 網上練習 IELTS speaking test simulator (點我進行幾分鐘測試) 考生可以進行網上練習，先聽問題，後錄音回答問題，模擬考試實際情況。 IELTS essentials – Speaking Practice Tests (點我進行幾分鐘測試) IELTS 加油:)

閱讀全文
Spencer Lam

Social Media

Facebook-f Youtube Instagram Whatsapp

最新文章

Get The Latest Updates

訂閱Newsletter

立即訂閱，獲取最新英文教學文章及分享！

Categories