很多同學都覺得 DSE 溫習英文 無從入手，要短時間有大進步也是非常困難，不知道你有無遇過下面的情況?
情景1
在作文卷，因為老師經常叫你寫英文寫好D寫深D，但你可能成日覺得好似講完等於無講，令到你冇晒動力，無所適從。
情景2
你打算學校的英文教科書，又沒有針對考試，很多時候都是將不同的資料放在一起，而且學校老師很多時候都是只是把教科書讀一次，又或者叫你地小組討論 (媽呀! 好混亂! 沒有系統！)
情景3
於是乎你選擇去買一些額外的英文補充練習或者 英文補習 筆記，因為每一本筆記都有不同的準則，在眾多教材之中，你覺得非常困擾，唔知應該信邊個? 唔知點樣先可以學好英文、考好英文？
我只係用一部手機，㩒一粒制，就可以開通你大腦! (Brian Cha’s mode)
抽水就抽完啦 (尷尬笑) 講返正題，要開通你大腦，提升你學習效率，點止㩒一粒制，要㩒好多粒制，用好多方法。以下想同大家分享3個方法:
溫習英文 方法1. 多感官學習
好多研究都發現，用到愈多感官，記憶力就會愈好。我們的感覺器官包括視覺、聽覺、味覺、觸覺和本體感覺等，各個感官會把從外界接收到的訊息傳送到大腦，大腦會把來自各個器官的訊息解碼及整理，並作出反應和學習。
「多感官學習」是幫助學生透過互動，把「眼看」、「耳聽」、「口唸」和「手寫」等都動員和配合起來，更有效地學習。
如果你是傾向於視覺型，那就要多看，日睇夜睇。而你若是屬於聽覺型，要背的東西不妨讀出聲音來 (Spencer sir 是屬於聽覺型，以前是會好大聲咁讀vocab/文章) 。而如果你是屬於運動型，就應多作筆記，例如整本error books (之前開live 時有講過，有興趣可以再睇睇)。我以前會用不同方法加深記憶，特別是記Skills，又讀又抄又睇~
溫習英文 方法2. 故事記憶法
把我們要記憶的信息編成一個故事，並且在我們的大腦中形成圖像來記憶。這個有點複雜，我會在 《DSE 英文補習 – 考試技巧班》 再比少少例子大家去應用出來，可以幫助你用於學習英文。但其實這個方法是最有用，我以前讀History時其實好多時都用這個方法。例如你記英文文章時，每一段可以當佢是一幅幅相，將佢影像化。如果你真係好有興趣學多一些，你Google 一下，已經有好多教學 😊
溫習英文 方法3. 記憶宮殿
腦海中自己所熟悉的實際位置所組成的畫面。當你記住很多東西，你只要在腦海中走一遍，把各種東西的影像放在特定的位置就好了。例如你想記10個字，可以將佢放在你返學的路線。
《DSE 英文補習 – 考試技巧班》 會overrun 時間中抽一部分時間，同大家分享如何用這些方法，幫大家更快記好考試技巧 + 英文詞彙。最後，你覺得我好煩, 咁….唔好考英文lor (抽水mode) (笑)
溫習英文 方法4. 重覆問自己溫書嘅初衷
首先要為自己訂立一個你想達到嘅目標
例如因為某啲原因我好想做眼科醫師，咁你嘅初衷就會係入讀眼科學科，你就不停提醒自己，為左入讀到眼科，就要比心機繼續捱落去，從而提升溫習動力
溫習英文 方法5. 重覆問自己溫書嘅初衷
你之所以唔想溫，正正係因為你對內心產生恐懼
例如你一見到英文詞彙表就會好怕，然後就唔再掂，久而久之就會對詞彙產生恐懼，表現會更差
解決方法就係慢慢打破恐懼，試下溫5分鐘英文，之後每日都加1分鐘溫習時間，久而久之就會打破恐懼
溫習英文 方法6. 改變身邊的人和環境
你身邊嘅人同環境都會影響你溫書心態，因為身邊的人嘅價值觀、思想、行為同態度都會直接影響你
例如你身邊嘅朋友都好懶散，你都會被佢地影響到
溫習英文 方法7. 成功係正面嘅動力
有研究指出，只要曾經考得好好，令自信心大左，之後繼續考得好嘅動力就會大左
例如我一直考全級頭10名的，你就不會想掉出頭10，因此你嘅動力會大增
就算冇考得好好過，都可以集中係自己強嘅一科，慢慢從成功換取動力
如果大家有什麼英文問題，如Spencer Lam, 好唔好咁樣學英文呀? 或者IELTS考試，成人英文/商業英文的知識及英文資源，歡迎你可以隨時再跟我多交流一下，可以Follow 「Spencer Lam English Team」 Facebook page同IG得到更多英文資訊，亦都可以上 https://spencerlam.hk/ 了解更多!
