考試技巧班 DSE 對答案人人都話要考IELTS,究竟IELTS係乜黎架?(下集)

考試技巧

IELTS嘅考試模式?
上回講過IELTS有分academic組(for 升學嘅學生)同general training組(for移民),考嘅內容會唔同,所以千其唔好報錯。但係,兩者其實都會考讀寫聽說四份卷,每part都會有一個sub-grade (滿分為9),再以每part嘅grade拉出一個overall grade (同樣9分為滿分)。香港人由細到大接受嘅英語訓練多數著重聽同睇,所以通常閱讀同聆聽兩卷會特別高分,而寫同講則較弱,以下落黎會講下四分卷分別考乜:

閱讀卷 (限時60分鐘)

Acadenic組要睇3篇文章,每篇大約一千字,之後要完成40條嘅題目,文章題材可能涉及教育、社會時事、日常生活等等;而題目則以MC為主,亦有部分會係 Short Question、True/False題、填充題等。

General Training組要睇5-6篇文章,文章一般節錄from書刊、報章、通告、廣告 、公司指引等英語社會常見嘅文體。一樣係40條問題,旨在評核考生唔同嘅閱讀技巧,好似辨識主題、速讀、了解邏輯同論據,以及辨別作者觀點、態度同目的等。

寫作卷 (限時60分鐘)

Academic組考生需要完成兩篇作文。Task 1需要考生對題目提供嘅資訊或數據進行描述,例如圖表、表格、圖解等等,字數不少於150;Task 2需要考生對題目中的議題、問題或看法進行討論,例如論證、評論或反駁等等,字數不少於250字。

General Training組同樣要完成兩篇作文,但Task 1就通常係寫邀請函、投訴信、道歉信等,至少150字;而Task 2就同Academic組類似,寫一篇不少於250字嘅文章回應某個觀點、論點或難題。

聆聽卷 (全卷限時40分鐘:30分鐘錄音內容;10分鐘整理答案)
Academic同General Training一樣,錄音分成4大段,第一、二部份以生活語言為主,第三、四部份會偏重學術性語言,考生需要答總共40條題目,包括matching、True/False、Short Questions等。錄音只會播放一次,播放完畢後會給予考生10分鐘整理答案。

口語卷 (約10-15分鐘)

Academic同General Training一樣,考生同考官進行1對1嘅口試,分3大部分:

第1部分:考官主要會問一啲關於生活上嘅問題,例如自我介紹、家庭、工作、學業、個人嗜好等
第 2部分:考生會獲發一張試題卡同紙筆,會有1分鐘時間準備,之後要以卡上嘅題目作2分鐘嘅個人短講,考官之後會因應主題發問1至2條問題
第 3部分:考官會圍繞第2部分的主題提出較深入的問題

Share:
分享在 facebook
Facebook
分享在 linkedin
LinkedIn
分享在 twitter
Twitter
最新文章

2021你必須要知的3個建議

最近同好多同學仔傾溫習情況,發現大家有幾個困難: (可能其他同學都遇到) 所以我整理了3個困難,下面比左一些解決建議比大家,大家努力追英文喔! 1. 無時間? 學校好忙? 其實時間係可以安排。最核心的

閱讀全文 »

【 IELTS全攻略 】最全面! 考IELTS必讀!

IELTS考試是不少留學生都需要應考的考試,除了學術用途,也適用於移民上。雅思考試題型多樣化,難度高,而且多數大學要求的分數也不低。更加有研究指出若要提高一份就需要花上200小時在練習身上,令聞者畏懼

閱讀全文 »
文章分類